نضع نصف كيلو **ده صفرا +بيضتين +2 باكو فانيليا +كوب ونصف سكر في العجان ونتركهم يمتزجوا كويس حتي يصبح الخليط زي الكريمه
نضيف كيلو الا ربع دقيق ونعجنه باليد حتي تصبح عجينه لينه
نبدا فى التشكيل بماكينه البيتى فور
في قوالب صغيره مشرشره زي التارت بتبقي شكلها حلو قوي في التقديم
ودي الاشكال كلها بعد مااستوت
نلزق كل اتنيين بالمربى ونغمسها في المربي ثم نقلبها في جوز الهند
او نلزقها بالشكولاته ونغمسها في الشيكولاته ونزينها بالمكسرات او الكريز
ودي التارتات الصغيره باعمل في قلبها وردات شيكولاته نوتيلا واحط بندقه او لوزه
وده الشكل النهائي للطبق
نصائح لضمان نتيجه افضل
]ا-ال**دهلازم تكون بدرجه حراره الغرفه علشانتمشي معانا في المكنه يعني ماينفعش تخرجيها من التلاجه علي طول وتشتغلي بيها
لازم علي الاقل تقعد 12 ساعه او اكتر انا عامه باطلعها من بالليل واسيبها لتاني يوم
2-
الدقيق كميته ممكن تزيد او تقل حسب حاجه العجين لان انواع الدقيق مختلفه
وده انتي بتحسيه اثناء العجن يعني ممكن ماتحطيش المقدار كله في الاول
وتزودي كل ماتحسي ان العجينه لسه بتلزق في ايدك
ودي قاعده عامه القليل ممكن نزوده لكن الكتير هايبوظ الدنيا
3-لو
حبيتي تعملي بكيس الحلواني المقدار هايختلف لان العجينه علشان تتقطع بكيس
الحلواني لازم تبقي سايحه شويه عن كده يعني شيلي كوبايتين دقيق من
المقدار هاتلاقيها بتلزق مش مشكله لانها كده كده هاتتحط في كيس الحلواني
والطريقه دي بتخلي البتيفور انعم بكتير بس اشكالها محدوده قوي يعني انا عامه بافضل طريقه المكنه
4-ممنوع وضع بيكنج باودر لان البيض هو ماده رافعه وبتكون كافيه قوي
ولو حطيتي بيكنج باودر هايخليه يرتفع قوي ويبقي هش زياده عن اللزوم ويتكسر منك
هو مش كيكه عاوزينها هوائيه واسفنجيه لا الصح انه يبقي مش هوائي علشان مايتكسرش بسهوله وكمان هاتلاقي الرسمه راحت وفرش منك
5- مقدار السكر اللي انا استعملته في الحقيقه كان كوبايتين فقط
بس انا حسيت انه دلع شويه فقلت لو بقوا 3 هايتظبط ان شاء الله وده بقي حسب زوق كل واحده
يعني معاكي رينج من كوبايتين لتلاته بس مش اكتر علشان لو السكر زاد بيفرش
6- ال**ده في منها انواع كتير احسنها ال**ده الصفرا الفرنساوي ودي اغلي نوع بتكون ب 30 جنيه او اكتر
بتدي ريحه تحفه وطعم اتحف لكن مافيش فرق ابدا في الوصفه استخدمي اللي تقدري عليه
طبعا الحلاونيه بيستخدموا شحم ابيض ده الكيلو ب 9 جنيه
7- لو مافيش عجان عادي ممكن تستعملي معلقه خشب بس هاتحتاج مجهود اكبر