أحلى القوافي والنشيد في مطلع الشهر السعيد
النور في الدنيا يزيـد والرب تواب شكـــور
رمضان شهر البركه .. العفو .. الرحمه .. المحبه .. pb189
ما انسى آخر يوم في رمضان السنه الماضيه ودموعي على خدي لفراقه ..
الله يبلغنا ومن نحب شهره الكريـــــم ..
ماراح اطول عليكم في المقدمه ..
بس هذا اول موضوع لي في قسم الطبخ ..
ومايخفى عليكم كيف حوسة المطبخ في رمضـــان .. وانواع الاصناف اللي مانسويها الا بهالشهر ( نفسي اعرف السبب ؟؟ ) .. ومايجي المغرب الا واحنا :sm12:
للأسف الشديـد ويمكن خيره من رب العالمين ان شغالتي ( نطت من الشباك على بالها طرزان 😡 ) شردت الـ ؟؟؟؟؟ .. ياهي اخذت مني ومن امي دعاوي :sm1:
فاستعنت بشغالة امي عشان افرز بعض الاشياء اللي تساعدني في اختصار وقت الطبخ والحوسه وخصوصا ان عندي ولدين نشبه الله يصلحهم ..
حبيت اوريكم مفرزناتي يمكن تستفيدون منها ..
اول شئ الثوم طحنته وحطيته بعلب للاستخدام السريع ..
البصل :sm18: والفلفل الاخضر مقطع صغار والجزر مبشور ..
في العلب صلصة البيتزا .. وطريقتها قطعت طماطم وبصل وفلفل اخضر وثوم وكله في الخلاط .. بعدبن صبيت الخلطة في قدر وع النار الين تثقل الخلطه وتتكشن وفي الاخير اضفت لها الكاتشب ..
والاكياس فيها طماطم مخلوط بدون اي اضافات للشوربات والكشنات واللزي منه 😀
جيب التاجر pb030 حبتين توست ترقينهم وبعدين بيض وبعدين بقسماط .. وقت ماتحتاجينهم اقليها وسوي الحشوه واحشيها ..
اصابع جبنــه .. ( تشدر + بيضاء )
سمبوسة لحــــم :sm5:
كفتــة دجاج بالجبنــة .. تجنــــــن :sm3: بس طلعيها واقليها ..
الاضافه
لـــ عيون اللي طلبوني طريقة كفتة الدجاج بالجــبنة .. جبتها بالصور عشان تتذكرونها >> احسب الناس مثلي ما اتذكر الا بالصور ..
اولا صدور دجاج او دجاجه كامله اللي يريحكم تسلق في موية وملح وبعدين اذا صدور دجاج على طول تنحط في الفرامه اما لو دجاجه كامله اكيد لازم تخلينها من العظم اول .. وفي الفرامه مع جبنه تشدر ..
انا عن نفسي استخدمت علبتين صدور دجاج مع 3 علب تشدر وسط .. ( ترى اللي بالكيس صدور دجاج مقطعتها مربعات لما جبتها طازه وفرزتها )
نضيف ع الفرامه بقدونس ..
وبعد ماتنفرم كويس نضيف عليها 3 الى 4 ملاعق جبن سائل وملح وفلفل ..
واخر شئ نكورها ونغمسها في بيض وبقسماط .. تصف في صينيه وتنحط بالفريزر لين تجمد وبعدين ممكن ترصينها في العلبه الخاصه بالتفريز .. ( الكميه اللي استخمتها سوتلي 70 حبه تقريبا 🙂 )
اللي سألوني عن جيب التاجر :
عباره عن حبتين توست نرققهم مع بعض ونقطعه بالقطاعه دوائر وبعدين نغمسهم في البيض والبقسماط .. وقت ماتحتاجينهم طلعيها واقليها واقسميها بالنص ( تصير نص دائره ) واحشيها بالحشوه اللي تعجبك .. البيض مايخرب مع التفريز ان شاءالله ..
*****
للحلى طحنت بسكوت شاهي .. حطيت كل باكيت مطحون في كيس ..
وحمست حليب بودره ..
***
فيه اشياء ثانيــه ودي افرزها مثل الجبنيــه وورق العنب .. بس اذا اسعفني الوقت ..
عموما موضوعي بسيط وخفيف ..
برايفت المشرفات 😀
قريت قوانين كتابة الموضوع مية مرة وكأني بدخل امتحان .. اذا موضوعي فيه شئ وبتشوتونه بشويـــــــش عشان مااتعور :sm1:
ودمتم لأحبابــــكم