المقادير:
2ملعقتين دقيق
بيضتين
نص ك مكرونة فرن
ربع ك لحمة مفرومة
بصلة
نص ك لبن
ملح وفلف اسمر
كوب مرق
سمن بلدى او زيت ذرة
الطريقة
نقطع البصل ونحط سمنة ونشوحه عالنار وبعد كدة نحط اللحمة ونقلب ونحط فلفل والتوابل ونقلب ونسيبها تستوى
عمل البشاميل
نحط السمنة عالنار وعليها الدقيق ونقلب باستمرار ( عشان ميكلكعش) لغاية مايبقى لونه بيج نحط عليهم اللبن بايد والايد التانية تكون بتقلب عشان ميحصلش كلكعة لغاية مايتقل البشاميل ولو تقل جامد ممكن نخففه بلبن او شوربة
نكسر البيضتين ونحط عليهم فلفل اسمر ونقعد نقلب البيض ونستنى لما البشاميل يبرد شوية وبعد كدة نحط عليه البيضتين ونقلب
نجيب صينية ونكون سالقين المكرونة ونحط عالمكرونة شوية بشاميل قبل مانرصها فى الصينية
نرصص جزء من المكرونة وبعد كدة نحط اللحمة المفرومة ونفردها وبعد كدة نحط باقى المكرونة ونحط البشاميل كله عالصينية وندخلها الفرن بحرارة 180
