السلام عليكم ورحمة الله وبركاته
دي طريقتي في المقلوبه
الحمدلله كل ألي اكلها عجبته اوي وبالذات جوزي مسميها
المقلوبه الوهممممممممممممممممممم
شوفو الصوره الاول
المقادير
بتنجان+بطاطس +فلفل رومي+جزر مبشور+طماطم متقطعه سلايز+بصله+فص توم+زيت نباتي+ملح فلفل بهارات
قطع لحمه متقطع وسط
كوب رز بسمتي
الطريقه
اسلقي اللحمه عادي بطريقتك
انقعي الرز بعد غسيله بمايه وخل وملح نص ساعه وبعدين صفيه وحطي معلقتين زيت علي النار وقلبي الرز شويه وبعدين حطي كوب ونص مرقه من بتاعة اللحمه وظبطي الملح ولما يغلي غطيه ووطي النار وقبل مايتشرب حطي معلقة حليب وقلبي وبعد ما يستوي اطفي عليه
علي فكره دي احسن طريقه للرز البسمتي الابيض وعن تجربه وممكن لو هنعمله مع خضار نضيف معلقة سمنه في الاخر ونغطي بيطلع تحفففففه
نرجع لمقلوبتي
قطعي البطاطس والبتنجان والفلفل مكعبات واقليهم في الزيت وصفيهم كويس
هاتي طاسه وحطي معلقتين زيت وحلقات الطماطم وقلبيهم علي الوجهين بحيث انك تحمريهم سنه وبعدين هاتي القالب بتاع الكيك ألي بيتفك وبطنيه بالفويل ورصي قطع الطماطم علي دايره وسيبي المنتصف فاضي عشان اللحمه بعد كده
نرجع للطاسه حطي البصل وبعدين التوم المهروس وقلبي دقيقه حطي الجزر وقلبي وبعدين اللحمه والبطاطس والبتنجان والفلفل وقلبيهم مع بعض وظبطي الملح والبهارات واطفي النار
رصي قطع اللحمه في القلب في النص وضيفي عليهم باقي الخلطه وساوي بالمعلقه كويس وبعدين طبقة الرز واضغطي بالمعلقه وغطي القالب بالفويل ودخليه الفرن ربع ساعه وطلعيه يبرد شويه وبعدين اقلبيه علي طبق التقديم وافتحيه
نرجع للطاسه حطي البصل وبعدين التوم المهروس وقلبي دقيقه حطي الجزر وقلبي وبعدين اللحمه والبطاطس والبتنجان والفلفل وقلبيهم مع بعض وظبطي الملح والبهارات واطفي النار
رصي قطع اللحمه في القلب في النص وضيفي عليهم باقي الخلطه وساوي بالمعلقه كويس وبعدين طبقة الرز واضغطي بالمعلقه وغطي القالب بالفويل ودخليه الفرن ربع ساعه وطلعيه يبرد شويه وبعدين اقلبيه علي طبق التقديم وافتحيه
ودي صوره من الجنب
وبالف عافيه