مقاديرها
ربع كيلو لحم مفروم ناعم جدا
عرق بقدونس مفروم ناعم
بصلة متوسطة مفرومة ناعم جدا
طماطم متوسطة مفرومة مكعبات صغيرة جدا
ملح + بهار اسود + قليل جدا من البهارات
ملعقتين كبار زيت زيتون ( اختياري فلفل احمر بودرة للي يحب الحر شوي بس (
وتخلطينهم بعدين كلهم سوا بيدك
الطــــــــــريقة
تجيبي خبز لبناني سميك شوي مو الرقيق
تجيبيه وتفتحيه من جهة واحده شوي وتمدي فيه شوية من اللحمة وترصيها داخل الخبزة زين
بعدين تسكريها وترصيها بيدك وتدهني على يدك مسحة زيت زيتون وتدهني الخبزة للجهتين
ثم تقسميها لأربع أقسام بعدين تلفي كل خبزه القصدير
وتحكمي عليها الإغلاق وتخلي اللفة المفتوحة من فوق عشان ما ينزل ماء اللحمة لتحت بالفرن
وتدخلينهم بصينية الفرن على الطبقة الوسط وتكوني مشغله الغاز من فوق ومن تحت
على حرارة 180 – 200 درجة
وبعد 20 دقيقة شيكي على وحده منهم إذا احمرت والا لا
إذا ما حمرت اتركيها بعد شوي ممكن تاخذ وقت 30 دقيقة
على حسب نوعية الفرن ونوعية الخبز او تشوينها بالفحم بعد ماتحطينها بالشبك
بعد ما تطلعيهم من الفرن خليهم بالقصدير مسكر عليهم شوي عشان ما ينشفوا الخبز او ييبس
وبعدين شيلي عنه القصدير وحطيهم كلهم في صحن وغطيه زين بالقصدير او بحافظه
ملاحظة
انا عملتها اكثر من مرة وبمرة اضفتلها دبس الرمان اعطاها طعم خطير وما اعتمد ت على
نضج الفرن لازم اعمل المفرومه على النار الاول نصف استوى ثم اكمل كما بالطريقه السابقه
وكثير عملتها بالجبنه الحلوم مع النعناع بدل اللحم المفروم روعه حقيقي
وبالعافيه عليكم 