الحقوووو طبخة سهله قسم ان تفحطوون عليها < بحشوة دجاج

عساكم بخير وكل عام وانتم بخير مقدمممن

المووهم نجي بس لطبختي قسم ان تفكون عليها كلكم بس لحد يجي يقول وش طريقتها <

..

نجي بس للهرج ولد الرجال .. هذي طال عمركم مره جت مرت خالي عندنا وجايبه قهوتها يارب تجي كل يوم وعاد جايبه معها هذا .. وسألتها أمي عن الطريقة وسرقتها < بتعلمكم انها حرمتن سنعه
هي حشوتها تونه وانا ماحب التونه .. فـ بدلتها بحشوة دجاج

نجي للمقادير .. << يعنني بخلي الموضوع طويل

نجيب كيسة خبز توست .. وناخذ ثنتين ونطبقهم فوق بعض ..

نفردههم .. ماتو مساكين < ماعليكم أهم شي تفردونهم بشد قوتكم واللي بالزوايا أصلا بيروح ..

بعدها ناخذ غطا كبير شوي ونقطع التوست من الوسط عشان تطلع معنا دائرة .. يعني مثلا غطا بريق والاتكيت يروحون ابو ريالين يشترون غطا أتوقع يبيعون

الحين نجيب بيض وبقسماط .. كثرو من البيض .. أنا استخدمت حوالي 5 بيضات لأن الماما < اميمتي تقول كثري منه عشان يتماسك اذا حطيناه في الزيت ومايتفكك
بعد مانحطه في البيض والبقسماط .. نقليه في الزيت .. وبيطلع معنا كذا

نجي الحين للحشوه < العبو فيها لعععععععععب أي شي تحبونه حطوه وماعليكم

اووولن .. نجيب قدر ونحط فيه بصل مقطع صغينوونات .. ونحركه لين يتحمر شوي .. وبعدها نحط دجاج ( صدور دجاج ) وبعدها بطاطس مقطع صغيرات .. وجزر مبشور .. وبهارات بكل انواعها < اللي ماتعرف للبهارات تاخذ اللي جنب الفرن وتشمهم اللي حلوه ريحته تحطه واللي ماعجبها ترجعه مكانه
اممممممم وش بعد حطينا .؟؟ وحطو بعد بازلا بس محد يحبها من اخواني يامصلهم
وأي شي تحبونه .. باذنجان .. خضروات وفواكه امزح بس خضار ..

ونخليه ع الفرن ونسكر عليه نص ساعه او اقل الله يحفظه لين تحسون انه خلاص زان

وبعد مايخلص .. نجيب التوست اللي سويناه ونحشاه بالحشوه واللي تحب جبن كرافت مبشور .. تحطه فوقهم وبعدها في الفرن او المكرويف عشان يموع
واللي تحب تتميلح وتحط حركات وكذا عادي ترى

وبالعافيه عليكم وعطوني رايكم لاسويتوها وادعو لي بالصلاح : )

سميحه السنعه