التخلص من رائحه العرق

والحل

فيه أكتر من طريقة ممكن إنك تجربيها للتخلص من رائحة العرق وهي..

أولا: مزيلات العرق الصناعية

ودي موجوة في الصيدليات بس خدي بالك لازم تختاري أنواع كويسة جدا جدا وخدي بالك كمان اوعي تضعي المزيل على جلدك مباشرة بعد ما تقومي بعملية إزالة الشعر.

ثانيا مزيلات العرق الطبيعية

ودي مجموعة من الوصفات ممكن إنك تعمليها في البيت وهتساعدك على التخلص من رائحة العرق..

قشر الرمان:[BIMG]http://www.boswtol.com/shababeek/images/103th/kamar_16.jpg[/BIMG]

وهي إنك تطحني قشر الرمان الناشف لحد ما يبقى ناعم زي البودرة، وبعدين تفركي تحت الإبط بالبودرة دي مرتين في اليوم لمدة 4 أيام وابقي قولي لنا على النتيجة.

الشبّه:[BIMG]http://www.boswtol.com/shababeek/images/103th/kamar_15.jpg[/BIMG]

ودي خلطة ممكن إنك تجيبيها من عند العطار أو إنك تعمليها في البيت وهي عبارة عن إنك تحضري حجر الشبة وتقومي بطحنه مع قليل من القرنفل وبودرة التلك لغاية ما يصبحوا جميعًا مثل البودرة واستعمليه بعد كل حمام أو عند إحساسك بأن هناك أي رائحة وخدي بالك إنك قبل ما تستعملي الوصفة دي تقومي بغسل تحت الإبط بالماء والصابون.