بسم الله الرحمن الرحيم
وصلى الله وبارك على محمد وعلى آله وصحبه أجمعين ..
ورضي الله عن الخلفاء الأربعه أبو بكر وعمر وعثمان وعلي … << مسكت بكم خط شوي ..
متأثره بخطبة الجمعه
اما بعد << اذاعه موب مقدمه
يقولون العرب
فقد الصديق اقسى من الوسواس
وانا اقول
الصديق .. ليا فقدته .. موتي اشوالي
مسهم بالخير << بالخير والا الجسمي هه هه باايخه
يالله حيهم كلن باسمه .. حياكم .. عندنا طق سامري وفلة حجاج وسعة صدر و طق وهز ..
وعلومن سفره تسر الحاضرين
مع ضيوف الشرف الذبان ……. بعدين تعرفون وش قصة الذبان
و بحكم أن الشعب السعودي مايهمة بالدرجة الاولى الا الأكل .. تحسون ان طلعاتهم رايحين ياكلون ويرجعون بس ههههه
يلا وش ورانا خلنا ناااااكل
بس نصيحه لاوصلتو مره ثانيه البر مو خبط لزق على الصحون تدورن العيشه
لا خذو لفه في المكان قلبو الحجران و لو في شجر تسلقوا فيها .. بس انتبهوا من العقارب والحنشان واكيد طبعا لا تنسون دعاء المكان
صورت لكم صور كثيره مررررررررررره
لو اشبر شبر صورته ياصبركم علي بس ..
(( بداية الرحله .. ))
عزمنا اننا نروح يوم الجمعه
وعاد قمت يوم الخميس بالليل .. وارتب الاغراض للرحله :hahaha:
هذا القسم كله تقارير لرحلة باريس وجنيف .. رحلتي احلى من رحلاتكم .. احلى من طلعة لجنيف << قوويه ؟؟
هذا ترتيب الاغراض .. اما اغراض !! كلها اكل × اكل .. كلها تبرويهات مليانه اكل ههههههههه
نواشف .. سلطه .. خضار .. ملح .. شاهي .. سكر .. بن .. خلطة الهيل .. مكسرات .. رز .. شطه ..
اجل بس انتم اللي تجهزون وتروحون لندن وروما .. حتى حنا نجهز سكر وشاهي ونروح نستانس بروضة خريم .. حتى الملك عبدالله يروح يكشت فيها .. احلى من صحراء باريس .. احد يقدر يقول شي الحين ؟؟ اتحداكم ههههه
اتحداااكم تقولون اذا رحتم سويسرا تكون هذه اغراضكم << حراام محرومين منها لا تقهرينهم يابحبوحه
دله من العصر الحجري .. دافور صغير ومعها غاز ثاني احتياطي ( صغير على قدنا ) .. براد شاهي .. براد اصفر اعشقه .. طاستين .. وصحن .. الحين يبدأ الحسد والغيره امانه اذا بتروحون فرنسا تاخذون ذي الطاسه معكم ؟؟ حزنتوني
اجل مالين المنتدى بتقاريركم فرنسا وسويسرا وحنا نموت قهر نعم انتم يامن حستو اوم الموقع بدلعكم وكيوتاتكم ههههه
امزح امزح وبدون زعل والا اعلم ابوي
اصلا لو فرنسي شاف دلتي ذي ولا طاستي ينتحر هههههههههه
اكياس زباله .. لزوم النظافه هههههه .. سفره لزوم الزلط والبلع ههههههه .. منشفه .. بيز .. مناديل .. << حشا وين حنا رايحين هههه
قصدير هذا على اساس نسوي خبز الجمر .. ما احبه على الجمر على طول وربي كله تراب يصير هههه
اواني ورق
شوفوا هذا اللي بالاكياس المستطيله روعه وتنفع للرحلات والحفلات عباره عن كيس صغير فيه ملعقه وشوكه وسكين وعود اسنان ومنديل ومنديل معطر .. تجي بكرتون كبير رووووعه
هذه محتويات كل كيس
وجهزنا الشنطه
وهذه شنطة الفناجيل .. فنجالين بس ابوووك يالبخل هههههه عشان اذا جانا احد ما نقهويه نقل له ما عندنا فناجيل ككككك
المهم بعذ كل ذا نممممت وصحينا الجمعه ولبسنا << لا ياشيخه هههه
وحطينا كريماتنا الواقيه من الشموووس ههههههههه وورررررررررررررررررر انطلقنا
ركبنا السياره
ودعاء ركوب الدابه
ثم دعاء السفر ..
الله اكبر .. الله اكبر .. الله اكبر .. سبحان اللذي سخر لنا هذا ……. الخ هههههههه
وزوجي دايم يترق علي يقل مثل مطوفين الحجاج ههههههه عشان اقول الدعاء وهو يردد وراي بالسياره
وتوقفنا هنا شرينا حطب وخبز وماء
ومسكنا خطنا ..
نكمل الاسبوع الجاااي
هههههههههههه
امزززح
يتبع ..