ازيكم يا أحلى بنات
احنا كنا خلاص عرفنا ازاى نحط كريم الأساس بخطوات بسيطة فى الموضوع ده
ازاى تحطى كريم الأساس – للمبتدئين – منتدى فتكات | منتدى نسائي للمرأة فقط
دلوقتى الخطوة التانية بقى بعد ما حطينا كريم الأساس
ازاى هنحط الكونسيلر ( اللى بيخفى الهالات السودا )
الحاجات اللى هنستخدمها :
1- كونسيلر كريمى ( فيه نوعين من الكونسيلر واحد بيبقى كريمى و التانى بيبقى ستيك – الكريمى احلى عشان رقيق على العين اكتر )
2- فرشاة كونسيلر او صوابعك :mood1:( و ده اللى بفضلة )
الفرشة بتبقى زى ديه كده – ناعمة و قوية
الخطوات :
1
2- هتجيبى صوابعك و توزعى النقط هتبتدى من جوه العين لبره كده و عارفه اكنك بتطبطبى على عينك او اكنك بتوزعى فى دواير كده صغننه بتعمليها باول صباع طويل عندك ( اللى بيسموه السبابة )
4- اعملى كده بس طبعا بالرااااااحة عشان المكان ده الجلد بيبقى حسااس جدا بلاش افترا :sFi_dualpistols:
5- هتمزجى و تمزجى و تمزجى – يعنى صوباعك تحت عينك و فوق عينك رايحة جاية كده لحد ما يبقى شكله ممزوج و طبيعى تماما – زى ما قلنا مفناش من دعك
3- هتستخدمى الفرشاة لو تحبى عشان برضه تتأكدى انه متوزع كويس حوالين العين و لحد الجفن اللى تحت و فوق الجفن لحد الحاجب و متناسق مع كريم الاساس اللى كنا حطناه
و بس كده
بعد ما تحطيه هتلاقى المكان حوالين عينيكى مفتحة كده و منتعشة
بس واحدة هتسألنى,طيب لو عندى حباية رخمة كده اعمل فيها ايه ؟؟
حطى عليها برضه نقطة من الكونسيلر و اديها طريقة الطبطبة او بالاسفنجة لحد ما تبقى ممتزجة ( عجبتنى الكلمة ديه ) تماما مع بقية البشرة
خلاص خلصنا 🙂
__________________________________________________ _____
استنوا الخطوة التالتة بقى
ازاى تحطى البودرة