اكيد كلنا بنحب لسان العصفور لكن غلاسته بقا ان لما بنحمره ونضيفه على الشوربه بيشرب الشربه مننا……لكن متقلقوش انا عندى الحل ومجرب ومضموووون
بصوا يا قمرات بعد ما تحمرى لسان العصفور فى الطاسه بتاعتك ..متضيفيهوش على الشوربه….بس حمريه فى طاسه كبيره شويه …وبعدين ضيفى عليه ماء..وطبعا هو بدوره هيشرب الميه دى ..كل ما يشرب الميه زوديه لغايه ما يستوى.,وتنشف ميته…بعد ما يستوى لو انتى هتجهزى الغدا فى الوقت دا حطيه على الشوربه عادى ..وبعدين ظبطى ملحك وسيبيه مع شوربتك بس يغلى غلوين يعنى حوالى دقيقتين بس…
ولو انتى مش هتجهزى الغدا فى وقتها سيبيه عادى فى الطاسه .مع ملاحظه انك لما تسبيه فتره فى الطاسه هيشبك فى بعضه متقلقيش فى الحاله دى ممكن ..ولما تيجى تحضرى الغدا قدامك حاجتين اختارى منهم يا اماتضيفيله شويه ميه تانى وتحطيه على النار وقلبيه شويه على طول هيفك منك وبعدين حطيه على الشوربه عادى…..او ممكن تحطيه فى الشوربه على طول وبالمعلقه قلبيه كويس وفكيه من بعضه وسيبيهم برضه يغلو غلوتين مع بعض….واشربى احلى شوربه لسان عصفور…
وإنتقاء موفق
يعطيكـ العافيه