النهاردة جيبالك أفكار لعمل مفارش أو أشكال حلوة بالقماش
من بواقي القماش اللي عندك
وياريت كل العضوات تشترك وتحط هنا كل الأفكار اللي عندها
عشان نفيد ونستفيد من بعض
هبدأ معاكو بشرح الفكرة
الأدوات المستخدمة
* إبرة
* خيط حسب لون القماش
* بواقي قماش أيا كان حجمها أو ألوانها
* القاعدة بتاعت علبة جبنة مثلثات (عشان نقص دايرة على شكلها)
أو أي حاجة مناسبة ليكي في البيت على شكل دايرة
* مقص
* قلم أو ماركر تعلمي بيه القماش قبل ما يتقص
الخطوات
أول حاجة هنجيب قطع القماس بتاعتنا
ونحط عليها الدايرة ونعلم مكنها على القماش
وبعدين نقصهم
بعدكده نجيب الخيط والإبرة ونبدأ نخيطها من الطروف
خياطة واسعة بحيث اننا لما نخلص حولين الدايرة نشدها
وتكشكش بالشكل ده
ونشدها لحد ما تتقفل خالص كده
ونكرر نفس الشيء مع كل قطع القماش اللي عندنا كده
ودي قطع أخرى بألوان مختلفة
طبعا لو لقينا ان الخياطة مش في مركز الدايرة نظبها بإدينا عادي
يعني لما تكشكش نمسكها ونظبط الخياطة في النص ونضغط على الدايرة عشان تبقى طبقتين على بعض ماتبقاش منفوخة
ودي مجوعة أشكال للنتائج اللي ممكن نطلعها من الطريقة دي
أتمنى فكرة الموضوع تكون عجبتكم
وأتمنى من الجميع المشاركة بأفكار حلوة
هذا شرحي والصور منقولة ليست من أعمالي
في رعاية الله
وفي انتظار كل جميل منكم
