مقبلات الباجيت
مقبلات الباجيت
مقبلات حادقة بالباجيت
النوع ده سهل جدا و لو جالك ضيوف مفاجأة و عندك الباجيت فى الفريزر
سهل بقى فى نصف ساعة على الأكثر تجهزى الصنف
المكونات
رغيف عيش باجيت مجوف من اللبابة
و الباجيت بس هو اللى ينفع لأنه جاف و قاسى من الخارج لكن الفينو لأ
جبن فيتا او اى جبن ابيض تفضليه
بسطرمة مقطعة صغير
سلامى مقطع صغير او سوسيس او اى نوع تحبيه الإختيار مفتوح
جبنة تركى (او بارميزان) مبشورة
زيتون اسود مقطع
رشة فلفل اسود
فلفل اخضر او احمر رومى مقطع صغير
الطريقة
تخلط المكونات
و يحشى بيها الرغيف كويس
لفيه بالبلاستيك الغذائى (السوليفان)
و تدخليه الفريزر 20 دقيقة بالكتير
و بعد كده تقطعيه شرائح كما بالصور