طريقة عمل الجبنة البيضاء 2024.

طريقة عمل الجبنة البيضاء
المقادير :
1 كيلو لبن سايب .. [ لبن الشتاء احلى من لبن الصيف و بينتج جبنه اكتر ]
تلت ملعقه منفحه سائله و ملعقه صغيره خل
مكعب ثلج
ملح حسب الرغبه
قرن فلفل حامى

طريقة العمل التحضير :
– يسخن اللبن حتى درجه 40 فى اناء معقم [ فاتر تقدرى تتحملى حرارته لو وضعتى اصبعك فيه ]
– اذيبى مكعب التلج فى تلت ملعقه المنفحه فى طبق خارجى و نزليهم فى اللبن و قلبى كويس جدا و غطيه… و حطيه فى الفرن و معاه حله ميه سخنه و بعد ساعه كده افتحى و اضغطى عليه بايديك ..هتلاقيه لازم يكون تجمد
– اقطعى بالسكينه فى عمق القالب و هو فى الاناء على شكل خطوط متقاطعه و سيبيه قد 5 دقايق هتلاحظى ظهور اثر لمياه.
– افرشى دانتيل او قطعه تل او قماش قطن مسامه واسعه الى حد ما فى مصفاه و صبى فيه مكعبات الجبن و لازم يكون طبعا فى اناء تحت حتى تتلقى السائل
– هذا السائل او الشرش ممكن تعملى بيه حاجات كتير [ عملت بيه كيك وعملت بيه بشاميل كمان ] هنستخدمه لعمل محلول ملحى نخلل و نحفظ فيه الجبنه
– السائل ده سائل غنى جدا بالعناصر الغذائيه فياريت محدش يرميه و يحاول يحطه فى اى اكل بيعمله ممكن كمان ندخله فى شوربه مع الكريما
– بعد ساعتين تقريبا تصفى كل المياه من الجبنه و الوقت بيتوقف على مدى مساميه قطعه القماش اللى استخدمناها .. طبعا فى معدات تانيه خاصه زى "السده" و الحصر و الباقوطى
– ناخد الجبنه و نضع عليها ملح و نسيبها فى التلاجه ليله من غير غطاء
– تانى يوم نغلى السائل مع شويه لبن و شويه ملح و قرن فلفل حامى مشقوق و نصب المزيج و هو ساخن على الجبنه و تحفظ بالتلاجه
– بعد ما تبرد.. و انصح بتناولها بعد 3 ايام حتى تتجانس كل النكهات و تكتسب من الفلفل طعمه الجميل

يسلموااا ايديك يالغلا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Scroll to Top