شلونكم شخباركم عشاكم بخير
امس الله يسلمكم قررت هموسة المهموسة تدخل المطبخ
وتطلع بنتيجة حلوة وشي ينأكل
فكرت ودورت وتكشفت وقررت اني اسوي حلاوة التويكس
اليكم الطريقة :
اولا المقادير
بسكويت قهوة الصباح
2قشطة
نصف كأس حليب سائل
2 كاكاو تويكس ( 3 اصابع خارج الثلاجة وواحد داخل الثلاجة )
كيكة جاهزة للاستخدام
علبه كريم كراميل
2 ظرف دريم ويب
الطريقة :
الطبقة الاولى
تغمسين البسكويت في حليب وترصينه في قاعدة البايركس
الطبقة الثانية :
في خلاط العصير تخلطين 3 اصابع التويكس والكريم كراميل وعلبه قشطة
وتصبينه على الطبقة الاولى
الطبقة الثالثه :
تقطعين الكيكة وتصفينها على الطبقة الثانية
الطبقة الرابعة :
تخلطين نصف كأس الحليب وعلبه القشطة الثانية وظرفين الدريم ويب وتصبينه على الطبقة الثالثه
وتبشرين الاصبع الرابع على الوجه للتزيين
وتدخل الثلاجة
وبالهناء والشفاء
