تعالوا شوفوا فستان فرحى وعاوزة رايكم فى حاجة مهمة اوى اوى اوى

السلام عليكم ورحمة الله ازيكم يا فتوكات يارب كلكم تكونوا بخير
انا بقا كنت عاوزاكم فى حاة مهمة اوى عاوزة كل واحدة تخش تقولى اية رايه
ا فى الفستان بتاعى وتشور عليا بقا اعمل اية عشان انا احترت خالص اولا دة الفستان بتاعى قولولى اية رايكم فية بصراحة
http://files.fatakat.com/2010/1/1263854305.png

ثانيا بقا ودة الاهم انا ان شاء الله هكون محجبة وبجد تعبت اوى فى موضوع البدى اللى هلبسة تحت الفستان عاوزاة حاجة تكون شيك جدا وانا لما روحت عند الاتيلة اللى اجرت من عندة الفستان لقيت ان البديهات اللى عندة مش حلوة والتطريز اللى فيها كلة فى الرقبة ونازل على الصدر نظام مثلا وردة بادية من اخر الرقبة ونازلة على الصدر وانا الفستان بتاعى بيتربط برباط من ورا على الظهر وبيتقل من عند الرقبة زى الحمالات بس الحمالات بتعتة بتتربط ببعض عند الرقبة فكل اللى عندها معجبنيش بصراحة ناس قالولى هاتى بدى كارينا والبسية بس حساة هيبقا تقليدى اوى وناس تانية قالتلى هاتية وطرزية بس خايفة اعمل كدة وميكونش حلو وادبس فية وخلاص وخصوصا انى معنديش افكار للتفصيل ولا صور اعمل زيها وفية ناس تانية قالت ليا هاتى بدى كارينا البسية والبسى علية بدى تول متطرز اشترية من الوكالة او الازهر لانك لو فصلتى الكارينا يبقا كدة خلاص مش هتلبسية غير فى المناسبات والاحلى فى الشكل بيكون التول هاتية وودية عند ترزى يطرظهولك بس بصراحة انا خايفة اوى اعمل كدة ويطلع فى الاخر مش حلو فانا عاوزة رايكم بقا لانى بجد خايفة اوى فى اليوم دة يكون شكلى مش حلو او ان حد يوجة ليا انتقاد على اللبس او على اى حاجة فقولولى بقا اية احلى حاجة اعملها ولو هطرزة بقا قولولى اخلى الترزى يطرزهولى ازاى ااقصد يعنى من على الكمام او من على الرقبة بس ميتعداش الرقبة او من على الدراع عاوزة رايكم كل واحدتقولى رايها يعنى كل واحدة عندها فكرة تقولهالى وياريت لو حد عندة صور بديهات يبعتاهالى ينوبوا فيا ثواب لانة مفيش وقت انا فرحى كمان 5 اسابيع فعاوزة انجز فية ثانيا بقا بالنسبة للطرحة مش عارفة اعمل فيها اية فية ناس بتقولى هاتى الطرحة اللى بتبقا عبارة عن 3 طبقات بتكون حلوةاوى فى اللف بردو مش عارفة اعمل اية شوفتوا انا محتارة قد اية وبعدين انا الفستان بتاعى فية احمر مش عارفة ادخلة ضمن تطريز الطرحة ولة اية ؟
ثالثا بقا انا عاوزة اشترى عدسات ملونة وبصراحة مشترتهاش قبل كدة فعاوزة اعرف اية احلى لون ممكن يمشى عليا انا لون قمحاوى شوية وعينى ضيقة فعاوزة رايكم اشترى لون اية يليق عليا ويحلينى مع المكياج ياريت تساعدونى بسرعة عشان الوقت ازف

أضف تعليق

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.